O portavoz de Sanidade do Grupo Parlamentario dos Socialistas de Galicia, Modesto Pose, criticou a 'irresponsabilidade' do presidente da Xunta, Alberte Núñez Feixóo, e da conselleira de Sanidade, Pilar Farjas, ao recorrer ao financiamento privado para construír os novos hospitais de Pontevedra e Vigo.

O portavoz do BNG no Congreso dos Deputados, Francisco Jorquera, vén de presentar unha iniciativa na que denuncia a discriminación da lingua galega por parte do Goberno español nas campañas para fomentar o carné electrónico.

A Federación Ecoloxista de Galicia (FEG) denunciou que a Xunta 'levantou a veda' para a 'especulación' no monte co permiso de instalación a unha canteira no Coto de Eira (Pontevedra), que afecta á ampliación da Rede Natura 2000.

O conselleiro de Medio Ambiente, Territorio e Infraestruturas, Agustín Hernández, asegurou que o texto pactado por PP e PSdeG para a reforma da Lei do Solo permite desenvolver proxectos en Rede Natura sempre que cumpran co que estabelece a directiva europea Hábitat.

O portavoz parlamentario do PSdeG, Xaquín Fernández Leiceaga, anunciou hoxe a abstención do seu grupo 'de modo unitario' na votación da reforma da Lei do Solo, que irá a pleno esta semana, no caso de que o texto pactado por socialistas e populares co conselleiro de Medio Ambiente, Agustín Hernández, se 'revise' tras as palabras do presidente da Xunta, Alberte Núñez Feixóo.

O texto do proxecto do polémico 'decreto do plurilingüismo' no ensino non universitario está 'bastante maduro' e 'aquilatado' de cara á súa redacción definitiva. Así o considerou o secretario xeral de Política Lingüística, Anxo Lorenzo, sobre un texto que, malia reducir ao 33 por cento a presenza da nosa lingua, ve como unha 'proposta coherente' e 'realista' para a consecución dun 'equilibrio' entre galego e castelán nos centros educativos, que estará 'fixado' e garantido na nova norma.

Co gallo do Día Forestal Mundial que se vai celebrar mañá, Verdegaia esíxelle á Xunta melloras na política forestal galega 'pola súa escasa sensibilidade e sostibilidade ambiental'.

O presidente da Xunta e líder do PPdeG, Alberte Núñez Feixóo, e a secretaria xeral do PP, María Dolores de Cospedal, participarán hoxe no III Congreso do PP español no Uruguai, que terá lugar no 'Centro Galego de Carrasco'. Neste país viven máis de 46.000 galegos e os 'populares' queren superar os 1.060 afiliados cos que contan neste momento.

A principios dos oitenta, Shohei Imamura, director de cine xaponés, realiza unha película chamada 'A Balada de Naraiama', que relata a costume dos anciáns de ir morrer ao monte Naraiama cando presentían que lles chegaba a hora. Esta lenda nipona está tamén presente en varias aldeas da Raia Seca, especialmente na Fraga, pertencente ao concello de Lobeira e na Azureira (Padrenda)

Os votos do PSdeG e PPdeG avalaron a convocatoria, no prazo ‘máis curto posíbel’, dun proceso de admisión a trámite de parques eólicos cunha potencia máxima de 2.325 megavatios, mentres que os 12 deputados do BNG rexeitaron esta iniciativa que promove un novo concurso de aproveitamentos eólicos tras suspender o realizado polo bipartito.