As centrais sindicais con representación no Banco Pastor -UGT, CC OO, CIG, FITC e ELA- anunciaron a convocatoria de mobilizacións a partir da próxima semana para denunciar a 'redución' de postos de traballo na entidade financeira. Pola súa banda, fontes de Banco Pastor, consultadas por Europa Press, negaron que exista 'unha política continuada' de redución de emprego e cualificaron como un 'tema puntual' o despedimento de cinco traballadores recentemente en oficinas do sur de Galiza.

O principal indicador da Bolsa de Madrid, o Ibex-35, pechou a semana cunha lixeira ganancia de case tres décimas porcentuais, nunha xornada na que reinou a indiferenza e a apatía dos investidores tamén no resto do mercados europeos.

O portavoz nacional do BNG, Guillerme Vázquez, insta ao presidente da Xunta, Alberte Núñez Feixóo, a romper as negociacións co Goberno central sobre a Lei de Caixas e argumenta que estas negociacións 'non se poden prolongar eternamente, aínda que só sexa por dignidade'.

O Parlamento galego, cos votos a favor do PPdeG, en contra do PSdeG e a abstención do BNG, instou á Xunta a impulsar as actuacións 'pertinentes', incluídas as 'legais', para 'deixar sen efecto' o acordo do Consello de Ministros polo que se fixou a prioridade do rexistro definitivo de preasignacións eólicas -regulado polo Real Decreto 5/2009-.

O director xeral de Competitividade e Innovación Tecnolóxica, Xoán Maneiro, admitiu que a Xunta mantén o Plan Estratéxico de Conserva aprobado polo bipartito no 2006, con 'adaptacións' á actual situación de crise.

O Índice de Prezos ao Consumo (IPC) reduciuse tres décimas en febreiro respecto de xaneiro en Galiza, fundamentalmente influído pola caída nos alimentos e bebidas non alcohólicas e o vestido e o calzado. A redución interanual alcanzou o 0,9 por cento, segundo os datos difundidos hoxe polo Instituto Nacional de Estatística (INE).

O Goberno galego aproba un investimento de 66,5 millóns de euros para tres plans que, segundo o presidente da Xunta, suporán a contratación de 9.500 persoas que, tras traballar en administracións públicas, servizos sociais ou outras entidades, perderon o seu emprego.

O principal indicador da Bolsa de Madrid, o Ibex-35, cedeu nesta sesión case sete décimas porcentuais, pero aínda así mantense por riba dos 11.000 puntos. No resto de Europa tamén se rexistraron perdas, aínda que testemuñais.

O xefe do Executivo autonómico, Alberte Núñez Feixóo, invalida o secretario de Estado de Cooperación Territorial, Gaspar Zarrías, como interlocutor estatal para solucionar o conflito aberto sobre a Lei de Caixas galega e manifestou o seu desexo de que o alto cargo andaluz 'non leve a negociación até o final'.

Ao redor de 3.500 persoas manifestáronse onte en Ferrol 'en defensa do emprego e do fortalecemento do benestar' co gallo do Día da Clase Obreira Galega.