PUBLICIDADE
Xoves, 18 de marzo de 2010
Portada  |  OPINIÓN  |  María Xosé Queizán
María Xosé
Queizán
Escritora
Outras noticias
Defender o maltratador
 25.11.2009 | 18:08

Foi famoso o caso de Jesús Neira, que estivo en coma tras a brutal agresión dun maltratador, por defender a muller golpeada. Agora, no xuízo, a vítima nega ter sido agredida. Que inxusto que a vítima defenda o seu agresor! Favorece os argumentos machistas: que a muller sofre porque merece sufrir, que o tolera, que lle vai a marcha. Pero este devandito “consentimento” da muller é suposto e xulgado por quen non coñece a opresión nin sabe o que é vivir dominada. O opresor e a oprimida non teñen conciencias idénticas. Nas condicións de vida das mulleres ten un papel fundamental o medo, a seren violadas, golpeadas, asasinadas. Non é necesario que todas o padezan para estaren seguras da presenza da violencia xeral contra elas, para que o medo se lles quede fixado na conciencia desde a infancia. As que non foron golpeadas polos maridos saben que “hai que sabelos levar”, que non convén irritalos e cómpre gabalos para que estean contentos. Tampouco saen soas a determinados lugares e horas, evitan situacións de perigo. Teñen interiorizada a dependencia, a marxinalidade, a ausencia de poder. Dos dous integrantes do poder, a forza máis decisiva non é a violencia dos dominantes senón a aceptación d@s dominad@s, unha presión coma un buraco fundido na conciencia. Desempeñar un poder xenérico, ou unha submisión xenérica non produce o mesmo estar no mundo. Para poder xulgar a maltratada que defende o seu maltratador cumpriría estar na conciencia desa suxeita de dominación que aspira a negar a propia opresión. Por doloroso que sexa recoñecelo, tamén para as feministas.

 
Imprimir     Tamano Menos Tamano Mas
Vota
A Nosa Terra Diario eliminará todos aqueles comentarios que conteñan vocabulario ofensivo ou publicitario ou que non se axusten ao tema desta información. Grazas pola súa participaciún.
 
Esquerda 1/1 Dereita
© 2010 A Nosa Terra
Principe 22 - Baixo. 36202 Vigo
Tel. 986 22 24 05.

info@anosaterra.com
diariodixital@anosaterra.com
Delegación Santiago
Tel. 620 91 70 56

Publicidade:
Tel. 616 90 46 88
Tel. 986 43 38 30
publicidade@anosaterra.com
PDF  Descargar Tarifas
Edita: Promocións Culturais Galegas S.A.
Vicepresidente e Conselleiro-delegado:
Afonso Eíré López

Director: Manuel Veiga Taboada
Subdirector: Xan Carballa Alonso
Coordenador Dixital: César Lorenzo Gil
Edición: María Obelleiro Hermida
Charina Giráldez Río
Premio EGANET 2008 - Web Comunicación Empresarial
Valid XHTML 1.0 Transitional Valid CSS!
Pedro Figueras Comunicación Opsou