RSS
Manuel Vilas . 'Orella de cerdo a la feira' o 'carne en caldeiro'. Estas son algunhas das receitas de 'Gastromía de Galicia', portal só en castelán que presentou o xoves a Xunta. Sorprendentemente, horas despois de desatada a polémica sobre o monolingüismo da páxina, os báneres do Goberno desapareceron, malia que aínda se poden ver na caché de Google.
20.11.2009 | 07:00
Varela presenta en castelán Gastronomiadegalicia.com nun acto no CGAC
O conselleiro de Cultura presentou o xoves ao mediodía Gastronomía de Galicia, unha web que malia estar patrocinada pola Xunta só está en castelán. Porén, a chaché de Google permite comprobar que o Goberno Galego está detrás deste portal monolingüe. Varela presenta a web en castelán É máis, foi o propio conselleiro de Cultura un dos encargados de presentalo no CGAG, un edificio deste departamento. Iso si, Roberto Varela presentouno en castelán, segundo proba o vídeo adxunto. Versións contraditorias sobre a autoría
Horas despois da presentación e tras informar ANT do monolingüismo da páxina, desaparecían do portal todos os logotipos da Xunta, un da Consellaría de Cultura e outro do Xacobeo.
A Nosa Terra contactou coa Consellaría de Cultura para publicar a súa versión da retirada dos báneres. A administración non respondeu a esta petición nin detallou o seu grao de implicación en Gastronomiadegalicia.com
Horas despois de que ANT publicase que a web que se dispoñía a presentar Varela estaba só estaba en castelán, a Xunta lanzaba un comunicado no que se asegura que o portal é da Real Academia da Gastronomía Española. Alegación que se contradí co copyright publicado no propio sitio, no que se declara titular á empresa madrileña PJOB.
“Resulta intolerábel este comportamento do Goberno de Feixóo: quen debera dar exemplo de cumprimento da legalidade, vulnéraa; quen debera facer gala de compromiso coa lingua e de vontade normalizadora, combate e elimina o idioma propio de Galiza”, láianse os parlamentarios.
Carme Adán e Bieito Lobeira consideran que “non hai excusas técnicas para este comportamento, e demóstrase que a Consellaría de Cultura e Turismo é un instrumento ao servizo exclusivo do proxecto do Partido Popular de desgaleguizar o noso país e expulsar a lingua galega dos usos oficiais”.
“Contratan a web a unha empresa de Madrid como se en Gailza non fósemos capaces de facela”
Ademais, os deputados do BNG denuncian que “a construción da páxina web foi contratada a unha empresa de Madrid, como se en Galiza non houbese capacidade nin profesionais que sexan quen de traballar pola popularización do Xacobeo 2010 e da nosa gastronomía”.
Ante esta situación, Carme Adán e Bieito Lobeira presentan unha iniciativa na que lle pregutan ao Goberno "se considera que existen atrancos tecnolóxicos que impiden a presenxa do galego nunha páxina web", ou é pola contra “unha decisión politica, consciente e deliberada”.
1/3
Últimas
+ lidas
+ votadas
+ comentadas
1/4
3
Novas relacionadas
En portada...
-
Rosa Díez: 'Os que máis ruído fixeron tiñan afán de notoriedade'A deputada e presidenta de UPyD, Rosa Díez, asegura que... -
Rueda defende a supresión do Servizo de IgualdadeO conselleiro de Presidencia, Administracións Públicas... -
Aymerich: 'O orzamento do Consorcio raia a prevaricación'A conselleira de Traballo e Benestar, Beatriz Mato,... -
Malvido (CIG): 'O seguimento da folga do naval foi do 75%'A CIG cifra nun 75 por cento o seguimento da folga... -
Entidades europeas da castaña reúnense en OurenseO Encontro do Grupo Europeo da Castaña, que terá lugar... -
A Xunta abonará os gastos de mantemento dos institutos da CoruñaO delegado da Xunta na Coruña, Diego Calvo, afirmou hoxe... -
A nova PAC deixa 3.000 granxas sen axudasO secretario de organización de Unións Agrarias, Xosé... -
La Voz recibe o 36% das axudas públicas aos mediosEconomía viola a Lei de Transparencia ao non publicar...
Principe 22 - Baixo. 36202 Vigo
Tel. 986 22 24 05.
info@anosaterra.com
diariodixital@anosaterra.com
Tel. 620 91 70 56
Publicidade:
Tel. 616 90 46 88
Tel. 986 43 38 30
publicidade@anosaterra.com
Descargar Tarifas
Vicepresidente e Conselleiro-delegado:
Afonso Eíré López
Director: Manuel Veiga Taboada
Subdirector: Xan Carballa Alonso
Coordenador Dixital: César Lorenzo Gil
Edición: María Obelleiro Hermida
Charina Giráldez Río
